देव

 देव शेणमातीचा 

देव सोन्या चांदीचा 

देव पाषाणाचा 

देव तांब्या पितळेचा 

जसा ज्याचा भाव तसा  देवाचा असे ठाव 

ज्याची जशी भक्ती तशी मिळे देवाची प्रचिती 

शोधासी देवा आसमंतात 

तोच वसे फक्त तुझ्यात 

देव निर्गुण निराकार 

आदी अंत पूर्ण साकार 

देव निर्विकार व्यापक 

दृश्य अदृश्य निर्विकल्प 

देव सर्व व्यापक 

देव अनेकांत एक 

देव सगळ्याहून थोर 

स्थूल सूक्ष्म परमात्मा परमेश्वर 

संकटे हि अमाप 

तारणहार तो एक 

असमाधान हा रोग 

नाम तुझे हे त्यावरील औषध 

तळमळ वाढे जीवाची 

आस फक्त तुझ्या दर्शनाची 

ओढ वाढू दे तुझी 

गोडी वाढू दे नामाची 

 

गौरी